President in Mizoram a rawn tlawh mek

India President Ram Nath Kovind chuan zan khat riak turin Mizoram a rawn tlawh mek a, Vawiin hian Mizoram a chhuahsan leh ang. President hian nimin khan Thlawhtheihna hmanga Lengpui Airport rawn thlengin Mizoram sawrkar aiawhin Home Minister Lalchamliana chuan lo a lo dawngsawng a, hemi hnu hian Helicopter hmanga Thuampui Helipad pan leh nghalin Governor Hari Babu Kambhampat leh Chief Minister Zoramthanga bakah Chief Secretary Dr. Renu Sharma leh Mizoram DGP; Assam Rifles DIG, Aizawl DC leh Aizawl SP ten an lo dawngsawng leh a, heta tang hian Raj Bhavan pan leh nghalin Deputy Chief Minister Tawnluia chuan a lo dawngsawng ve leh bawk a ni. Hemi hnu hian Mizoram University Convocation chu President hian a hmanpui a, hemi hnu hian Cultural programme hmanpui a ni bawk.