Latest News

Pathianni-ah COVID-19 hri kai mi 11 hmuh belh

Pathianni khan Mizoram-ah Sample 77 enfiah niin heng atang hian COVID-19 hri kai mi 11 hmuhchhuah an ni a, Sample enfiah atanga chhutin za zela 14.29 te chuan hri an kai a ni.

Pathianni-a hri kai hmuh thar zinga 10 te hi Rapid Antigen Test hmanga Sample enfiah 75 atanga hri kai hmuh niin Lunglei District-ah 5, Aizawl leh Saitual District-ah mi pahnih ve ve leh Kolasib District-ah mi pakhat te an ni a. Lunglei-a TrueNat Laboratory-ah Sample enfiah pahnih awmin hri kai mi pakhat hmuh a ni bawk a, hmundang ah Sample enfiah a awm lo thung a ni.

Nimin khan Mizoram-ah hri kai enkawl dam mi 24 an awm belh ve leh bawk a, heti hian nimin tlai dar 5:00 thleng khan Mizoram a COVID-19 hri kai hmuhchhuah tawh chu 2,28,137 niin an zinga 2,27,323 te chu enkawl dam an ni tawh a, hri kai hmuh atanga chhutin za zela 99.64 te enkawl dam ni tawhin hri kai enkawllai 116 an la awm a, hri kai zingah mi 698 an boral tawh bawk a ni.

Comments

Popular News (Last 30 Days)