Mizoram-ah hri kai enkawllai tlem hret hret

Mizoram-ah COVID-19 dinhmun a tlahniam ve leh hret hret a, niminpiah khan Mizoram-ah Sample 365 enfiah niin heng atang hian hri kai mi 31 hmuhchhuah an ni a, Sample enfiah atanga chhutin za zela 8.49 ten hri an kai a ni.

Niminpiah a hri kai hmuhchhuah thar te hi Rapid Antigen Test hmanga Sample enfiah 344 atanga hmuh te vek an ni a, Saitual District-ah hri kai mi 13 hmuh niin Khawzawl District-ah 5, Lunglei District-ah 4, Aizawl leh Mamit District-ah 3 ve ve, Serchhip District-ah mi pahnih leh Kolasib District-ah mi pakhat te an ni.

Mizoram-a COVID-19 hri kai hmuhchhuah an awm belh reng laiin enkawl dam pawh an awm belh ve zel a, nimin khan tlai dar 5:00 thlengin hri kai enkawl dam mi 69 awm belh ve lehin heti hian nimin tlai thlenga Mizoram-a hri kai hmuhchhuah tawh chu 2,27,676 niin an zinga 2,26,713 te chu enkawl dam an ni tawh a, hri kai hmuhchhuah atanga chhutin za zela 99.58 te chu enkawl dam an ni tawh a, hri kai enkawllai 266 la awmin hri kai zingah mi 697 an boral tawh bawk a ni.

Nimin tlai dar 5:00 thleng khan Mizoram District hrang hrang ah hri kai enkawllai an la awm vek a, hri kai enkawllai tamna ber chu Aizawl District niin mi 87 enkawllai an awm a, Saitual District-ah hri kai enkawllai mi 59 la awm bawkin Serchhip District-ah 39 leh Lunglei District-ah hri kai enkawllai mi 33 an la awm bawk a ni. Hri kai enkawllai tlem lamah Saiha, Lawngtlai leh Hnahthial District-ah te mi pakhat theuh enkawllai awmin hri kai enkawllai tlemna an ni a, Kolasib District-ah 5 leh Champhai District-ah 7 an awm mek bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man