Kolasib District-ah kangmei chhuak tum 312 awm

Kolasib District-ah kumin hian kangmei chhuak tum 312 awm tawhin heng zinga tum 12 chu ram kang a ni.

He thu hi Kolasib District Level Fire Prevention Committee thutkhawm nimin-a Kolasib DC Conference Hall-a neih ah tarlan a ni a, he hunah hian Kolasib DFO Margaret Lalramchhani chuan kumin chhungin Kolasib District-ah kangmei chhuak tum 312 awm tawhin chung zinga 300 chu Lo hal vang a nih thu leh ram kang tum 12 a awm thu a tarlang a, tum 312 kangmei chhuak atanga Hectare 464.99 chu Lo hal vang a nih thu leh Hectare 4.73 chu ram tih kan vang a nih thu sawiin, Serlui tuikhuah kam a kangmei chhuak a mawhphurtu dapchhuah a nih theih nan Kolasib Police Station-ah thubuai thehluh a nih tawh thu a sawi bawk.

He thutkhawmah hian hmuhphiah chingtuten a hun tak a ram an hal hman loh thin avanga harsatna an tawh dan sawi ho a ni a, Lo nei-a eizawng chhungkaw 1726-ten Tin 3170 a zau Lo neihna tur a hal a nih thu leh hunbi tuk chhunga Lo hal hman lo, a hranpa a dilna thehlut mi 40 an awm thu tarlan a ni bawk. Serlui leh Tuirial Hydel Project tuikhuah kam ram ngaw chereu mek humhalh tura hmalakna te tarlan a ni bawk.