Mizoram-ah hri kai enkawllai 363 la awm mek

Niminpiah khan Mizoram-ah Sample 581 enfiah ni lehin heng atang hian COVID-19 hri kai mi 44 hmuhchhuah an ni a, Sample en zawng zawng atanga chhutin za zela 7.57 te chuan hri kaiin hri kai enkawllai mi 363 an la awm mek a ni.

Heng hri kai hmuhchhuah thar te hi Rapid Antigen Test hmanga Sample enfiah 280 atanga hmuh te vek an ni a,  Aizawl District-ah 30, Lunglei leh Saitual District-ah mi 6 ve ve leh Kolasib leh Mamit District-ah mi pakhat ve ve an ni.

Niminpiah khan ZMC-a RT-PCR Laboratory-ah Sample 300 enfiah niin hri kai hmuh an awm lova, Aizawl-ah TrueNat Laboratory hmangin Sample pakhat enfiah ni bawkin hri kai hmuhchhuah an awm lo bawk a, hmundang ah Sample enfiah a awm lo thung a ni.

Nimin khan Mizoram-ah hri kai enkawl dam mi 70 an awm ve leh bawk a, heti hian nimin tlai thlenga Mizoram-a COVID-19 hri kai hmuhchhuah tawh chu 2,27,600 niin an zinga 2,26,540 te chu enkawl dam an ni tawh a, hri kai hmuhchhuah atanga chhutin za zela 99.53 te chu enkawl dam an ni tawh a, hri kai enkawllai mi 363 la awmin hri kai te zingah mi 697 an boral tawh a, nimin tlai thleng khan District tin ah hri kai enkawllai an la awm a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man