COVID-19 kai thar 40 leh enkawl dam 255 awm

Pathianni khan Mizoram-ah Sample 494 enfiah niin heng atang hian COVID-19 hri kai mi 40 hmuhchhuah an ni a, Sample enfiah atanga chhutin za zela 8.09 te chuan hri an kai a ni.

Pathianni-a Mizoram-a Sample enfiah te hi Rapid Antigen Test vek niin hri kai hmuhchhuah te pawh Rapid Antigen Test hmanga hmuhchhuah vek an ni a, hri kai hmuh te zinga 32 chu Saitual District-a hri kai hmuh niin Aizawl District-ah 4 leh Lunglei leh Mamit District-a hri kai mi pahnih ve ve hmuh an ni bawk.

Nimin khan Mizoram-ah hri kai enkawl dam mi 255 awm belh lehin nimin tlai dar 5:00 thleng khan Mizoram-a hri kai hmuh tawh chu 2,27,493 niin an zinga 2,26,384 chu enkawl dam an ni tawh a, hri kai hmuh atanga za zela 99.51 te enkawl dam ni tawhin hri kai enkawllai 412 an la awm a, hri kai zingah mi 697 boral tawhin Lawngtlai District tihloh District dang zawngah hri kai enkawllai hi an la awm a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar