COVID-19 hri kai enkawllai 628 la awm mek

Mizoram-a COVID-19 hri kai hmuhchhuah chu 2,27,453 an tling tawh a, nimin tlai thleng khan hri kai enkawllai mi 628 an la awm a ni.

Inrinni khan Mizoram-ah Sample 609 enfiah niin heng atang hian COVID-19 hri kai mi 34 hmuh belh leh an ni a, Sample enfiah atanga chhutin za zela 5.58 te chuan hri an kai a, hri kai hmuhchhuah 34 zinga 33 te hi Rapid Antigen Test hmanga hri kai hmuhchhuah te niin Aizawl District-ah 12, Lunglei District-ah 7, Serchhip District-ah 6, Saitual District-ah 4, Mamit District-ah 3 leh Hnahthial District-ah pakhat te an ni a, Fluorescent Immunoassay Test hmangin Serchhip District-ah Sample pakhat enfiah niin hri kai mi pakhat hmuh a ni bawk. Inrinni khan ZMC-a RT-PCR Laboratory-ah Sample 33 enfiah niin District hrang hranga TrueNat Laboratory-ah Sample 3 enfiah a ni bawk a, hri kai hmuhchhuah an awm lo thung.

Inrinni khan Mizoram-ah hri kai enkawl dam mi 80 awmin nimin khan tlai dar 5:00 thlengin mi 40 enkawl dam an awm leh bawk a, heti hian nimin tlai dar 5:00 thleng khan Mizoram-a COVID-19 hri kai hmuh tawh chu 2,27,453 niin an zinga 2,26,129 te chu enkawl dam an ni tawh a, hri kai hmuh atanga chhutin za zela 99.42 te enkawl dam ni tawhin hri kai enkawllai 628 an la awm a, hri kai zingah mi 696 boral tawhin District tinah hri kai enkawllai an la awm vek a ni.