Niminpiah ah hri kai mi 99 hmuh belh leh an ni

Niminpiah khan Mizoram-a COVID-19 hri kai hmuhchhuah mi za aia tlemin Sample enfiah 1275 atangin COVID-19 hri kai mi 99 hmuh an ni a, Sample enfiah atanga za zela 7.76 te chuan hri an kai a ni.

Niminpiah khan ZMC-a RT-PCR Laboratory-ah Sample 11 enfiah niin hri kai mi pakhat hmuh a ni a, Lunglei-a RT-PCR Laboratory-ah Sample enfiah a awm lo thung, Fluorescent Immunoassay Test hmangin Serchhip District-ah Sample pakhat enfiah niin hri kai mi pakhat hmuh a ni bawk.

District hrang hranga TrueNat Laboratory-ah Sample 8 enfiah niin hri kai mi 4 hmuh an ni a, Rapid Antigen Test hmangin Sample 1255 enfiah ni bawkin heng atang hian hri kai mi 93 hmuh an ni bawk.

Nimin khan Mizoram-ah COVID-19 hri kai enkawl dam mi 169 an awm belh leh a, heti hian nimin thleng khan Mizoram-a hri kai hmuh tawh chu 2,24,360 niin an zinga 2,22,797 te chu enkawl dam an ni tawh a, hei hi hri kai hmuhchhuah atanga chhutin za zela 99.30 niin hri kai enkawllai 879 an la awm a, hri kai zingah mi 684 an boral tawh a ni.

Tun dinhmunah District tinah hri kai enkawllai la awm vekin hri kai enkawllai za aia tam awmna District 5 a la awm a, Serchhip District-ah la tam berin mi 240 enkawl mek an ni a, Aizawl District-ah 154, Saitual District-ah 152, Mamit District-ah 151 leh Lunglei District-ah 137 te chu hri kai enkawllai tam zualna a ni.