IHIP kalphung zirhona nei

Serchhip District chhunga Health Department hnuaia IDSP-a thawktute tan Integrated Health Information Platform (IHIP) chungchang zirhona chu nimin khan Serchhip Hmar Veng YMA Hall-ah neih a ni.


He zirhona hi District Surveillance Officer Dr. Lalngaihawmi Chhangte chuan kaihruaiin IHIP chu thil thar a nih loh thu leh an kalpui mek a ni tih sawiin, amaherawh chu hriatchian loh te a awm theih avangin an kalpui tawh dan te thlirletna neih paha he hun hi buatsaih a ni tih a sawi a. IDSP chu kum 2004 atangin India ramah kalpui niin natna rawn hluar thut te lo enfiah a lo chhuichianna te kalpuiin kum 2018-ah sawrkar laipui chuan a tihtawp tak thu a sawi a. He hmalakna hi a tangkai avangin kum 2021-ah IHIP tia hming vuah hian kalpui leh a nih thu sawiin, a hmaa chawlhkar tin report siam thin chu nitin report pe tawhin, hemi hmang hian khawi hmunah pawh natna hluar thar a awm a nih chuan a ni la la in hmunpui zawk atanga hriat theih a nih tawh thu a sawi a, an hnathawh chu a pawimawh avangin he huna tel te chu thahnem ngai taka an hna thawk zel turin a chah bawk a ni.

He zirhona ah hian Priscilla H. Sema, Surveillance Coordinator, Jhpiego chuan IHIP hnuaia report hrang hrang pek dan chu kalkhawm te hi a zirtir a, chawhnu lamah sawihona hun hman a ni bawk. He hunah hian Serchhip District chhunga IDSP buaipuitu Doctor leh Health Worker bakah Laboratory Technician te an tel a ni.

Comments

Popular News (Last 30 Days)

Vawiin-ah HSSLC Exam result