Hri kai thar 43 leh enkawl dam 98 awm belh leh

Serchhip District-ah nimin khan COVID-19 hri kai mi 43 chhinchhiah belh leh niin hri kai mi 98 enkawl dam an ni bawk.

Pathianni-ah hri kai chhinchhiah belh an awm loh hnuin nimin khan hri kai mi 43 lai chhinchhiah belh leh an ni a, North Vanlaiphai-ah hri kai mi 12 hmuh niin East Lungdar-ah 8, Thenzawl-ah 7, Bawktlang ah 4, Chhiahtlang, Chhingchhip, Hmunzawl leh Khawlailung-ah mi 2 theuh leh Keitum leh Lung-pho-ah hri kai mi pakhat ve ve hmuh an ni a, Serchhip-ah hri kai mi pahnih hmuhchhuah ni leh bawkin P&E Veng leh New Serchhip College Quarters a mi te an ni.

Nimin khan Serchhip District-ah hri kai enkawl dam mi 98 an awm belh leh bawk a, heti hian nimin thleng khan Serchhip District-a CO-VID-19 hri kai hmuhchhuah tawh chu 13,366 niin an zinga 13,161 te chu enkawl dam an ni tawh a, hri kai hmuhchhuah atanga chhutin za zela 98.46 te chu enkawl dam an ni tawh a, hri kai enkawllai pawh mi 172 la awmin hri kai te zingah mi 33 an boral tawh bawk a ni.