Hri kai 13,486 tling tawh

Inrinni thleng khan Serchhip District-ah COVID-19 hri kai mi 13,486 hmuhchhuah an ni tawh.

Inrinni khan Serchhip District-ah COVID-19 hri kai mi 8 hmuhchhuah leh niin an zingah hian Serchhip khua atanga hri kai hmuh belh an awm lova, East Lungdar leh Thenzawl-ah hri kai mi 3 ve ve hmuh niin Buangpui-ah hri kai mi pahnih hmuh an ni bawk. Nimin lamah Ser-chhip District-ah hri kai hmuhchhuah thar chhin-chhiah belh an awm lo thung a ni.

Inrinni khan Serchhip District-ah hri kai enkawl dam mi 27 awm belhin nimin-ah hri kai enkawl dam chhinchhiah belh an awm lo bawk a, heti hian Serchhip District-a hri kai hmuh tawh chu 13,486 niin an zinga 13,294 te chu enkawl dam an ni tawh a, hri kai hmuh atanga chhutin za zela 98.57 te enkawl dam an ni tawh a, hri kai enkawllai 159 la awmin hri kai zingah mi 33 an boral tawh bawk a ni.