April 26-a YMA Rorel Inkhawm neih turin sawn

Serchhip Sub-Hqrs. YMA Rorel Inkhawm chu tun thla ni 26-a neih turin sawn a ni.


Inrinni khan Serchhip Sub-Hqrs. YMA hian Serchhip Bazar-a an Office-ah SEC Meeting neih tun thla ni 22-a Rorel Inkhawm neih tura an lo ruahman tawh chu Kohhran Inkhawmpui nen inrual a awm avang leh remchan zawkna avangin tun thla April ni 26 (Thawhlehni)-ah neih zawk nise tiin a hmun atan Serchhip Auditorium a ni dawn a ni. He thutkhawm ah hian Rorel Inkhawm a ngaihtuah tura Agenda rawtna lut te thlirho a ni bawk a, Rorel Inkhawm a chhawpchhuah tura pawm zingah Tuichangral South Group YMA Rorel inkhawm in YMA leh Mizoram PWD thawhhona tihtawp an rawtna te, Tawitlang Group YMA in Lungpho-a Forest Range hawn a nih theihna atana hmalak an rawtna leh thildang thenkhat telin rawtna lut thenkhat chu SEC in a lo ngaihtuah zui tura dah a ni bawk.

Serchhip Sub-Hqrs. YMA President Kawlthuama kaihhruai SEC Meeting hian Ser-chhip-a damdawi In-a hman turin Kuang thawh leh pawh relin Mizo zingah hmang mamawh ten a thlawna an hman theih rualin hnamdang tan pakhat Rs. 2500/- ni tura ruahman a ni a, Tuihna humhalhna tura Mat leh Tuikum lui-a Check Dam siam hnatlang PHE Department in an rawtna pawh pawmin a hun tur chu Department hotute nen la tihfel nise an ti a ni.

Comments

Popular News (Last 30 Days)

LPG man bithliah thar