STP in 3-na dinhmun luah

Zonuna Kawlni (LENKAWL) • March 5, 2022 • Comments • Serchhip

Nehru Yuva Kendra (NYK) Serchhip District hnuaia kumin a District Youth Award dawngtu Serchhip Thalai Pawl (STP) chu State Level-ah lawmman pathumna dawng tura thlan an ni.

NYK Serchhip District hnuaia Youth Club hrang hrang ten kum kalta (2020-2021) chhunga an hmalakna hrang hrang an thehluh hmangin NYK District Youth Award dawng tur hi thlan niin Serchhip Thalai Pawl chu he Award dawng tur hian thlan an ni a, pawisafai Rs. 25,000/- hlan an ni ang. Kumin hian Award diltu hi Youth Club panga (5) an awm nia thudawn a ni.

NYK hnuaia District hrang hrang hian an District theuh atanga Youth Award dawngtu hi thehlutin State Level Youth Award dawng tur hi thlan leh niin hetah hian STP hi pathumna an ni bawk a, YLA Lawngtlai chu pakhatna niin MTP Chheinhlu, Siaha chu pahnihna an ni.