LENKAWL ADS (Computer zir duh tan 6) :

UD&PA Department changtu Deputy Chief Minister Tawnluia chuan Smart City Guideline-ah infiamna ruhrel siam te tel lo mahse Mizo thalai te tana thil pawimawh a nih avangin Committee-in herremin Sports atan Smart City sum hman a nih thu a sawi.

Nimin-a Assembly Session neiha zawhna leh chhanna hunah Independent MLA Dr. Vanlalthlana chuan Smart City Guideline-in pawimawh a tih leh a ken tel chu zirna te, hriselna leh thil dang te a nih thu sawiin, hetihlai hian Smart City sum chu Guideline kalhin infiamna ruhrel siamna atan hman a nih thu a sawi a. Hei hi chhangin Deputy Chief Minister chuan Smart City sum hman dan chu Committee in a herrem thei tih sawiin, tuna programe an kalpui dan pawh hmunpui lamin an pawm sak tih a sawi a. Smart City Guideline-in pawimawh a tih zirna, hriselna leh thil dang te chu an ngai pawimawh viau chungin Mizo thalaite tana pawimawh infiamna ruhrel din leh mipui vantlang in an chhawr tur hmunpui pawimawh atan Smarty City sum hmang tura ruahmanna an siam chhoh thu a sawi a ni.