Mizoram-a hri kai zingah zaa 98.08 an dam tawh

Niminpiah khan Mizoram-ah Sample 4482 enfiah niin heng atang hian hri kai mi 839 hmuhchhuah an ni a, Sample enfiah atanga za zela 18.72 ten hri an kai a, Mizoram-a hri kai enkawl dam tam lam pawh za zela 98 aiin a sang tawh bawk.

Niminpiah khan ZMC-a RT-PCR Laboratory-ah Sample 135 enfiah niin heng atang hian hri kai mi 31 hmuh an ni a, Lunglei-a RT-PCR Laboratory-ah Sample 12 enfiah niin hri kai mi 3 hmuh an ni bawk. Fluorescent Immunoassay Test hmangin Aizawl-ah Sample 36 enfiah niin hri kai mi 3 hmuh an ni a, Serchhip District-ah Sample 14 enfiah niin hri kai mi 3 hmuh an ni bawk.

District 4-a TrueNat Laboratory-ah Sample 178 enfiah niin hri kai mi 53 hmuh an ni bawk a, Mamit District-ah hri kai 41 hmuh niin Serchhip, Champhai leh Hnahthial District-ah hri kai mi 4 theuh hmuh an ni bawk.

Heng bakah hian Rapid Antigen Test hmangin Sample 4107 enfiah ni bawkin heng atang hian hri kai mi 746 hmuh an ni bawk a, an zinga 164 te chu Aizawl District-a hri kai hmuh te niin Serchhip District-ah 125, Mamit District-ah 116, Lunglei District-ah 76, Saitual District-ah 74, Lawngtlai District-ah 37, Champhai District-ah 43, Hnahthial District-ah 42, Khawzawl District-ah 34, Kolasib District-ah 23 leh Siaha District-ah hri kai mi 12 hmuh an ni bawk.

Nimin thlenga hri kai hmuhchhuah tawh chu 2,18,673 niin nimin-a hri kai enkawl dam 673 nen hri kai hmuhchhuah zingah mi 2,14,473 te enkawl dam an ni tawh a, hei hi hri kai hmuhchhuah atangin zaa 98.08 niin hri kai enkawllai 3535 an la awm a, hri kai mi 665 an boral tawh a ni.