Hri kai thar 1325 leh enkawl dam 1161 awm belh

Niminpiah khan Mizoram-ah Sample 7260 enfiah niin hri kai mi 1325 hmuhchhuah a ni a, Sample enfiah atanga za zela 18.25 te chuan hri an kai a ni.

Niminpiah khan ZMC-a RT-PCR Laboratory-ah Sample 358 enfiah niin hri kai mi 85 hmuhchhuah an ni a, Lunglei-a RT-PCR Laboratory-ah Sample 8 enfiah niin hri kai mi 2 hmuh an ni bawk. Fluorescent Immunoassay Test hmangin Aizawl-ah Sample 56 enfiah niin hri kai mi 5 hmuh a ni a, Serchhip District-ah Sample 14 enfiah niin hri kai mi 4 hmuh an ni bawk.

District hrang hranga TrueNat Laboratory-ah Sample 299 enfiah niin hri kai mi 84 hmuh an ni bawk a, an zinga 40 chu Kolasib District-a hri kai hmuhchhuah niin Serchhip District-ah 20, Mamit District-ah 10, Lunglei District-ah 6, Hnahthial District-ah 5, Champhai District-ah 2 leh Saitual District-ah hri kai mi pakhat hmuh an ni bawk.

Rapid Antigen Test hmangin niminpiah khan Sample enfiah 6525 awmin hri kai mi 1145 hmuhchhuah an ni bawk a, Kolasib District-ah hri kai hmuhchhuah tam berin 276 hmuh an ni a, Aizawl District-ah 195, Serchhip District-ah 174, Mamit District-ah 127, Khawzawl District-ah 107, Lunglei District-ah 90, Saitual District-ah 65, Lawngtlai District-ah 38, Champhai District-ah 37 leh Hnahthial District-ah hri kai mi 36 hmuh an ni bawk.

Nimin khan Mizoram-ah hri kai enkawl dam mi 1161 an awm belh leh a, heti hian nimin thlenga Mizoram-a hri kai hmuhchhuah tawh chu 2,14,653 niin an zinga 2,08,277 chu enkawl dam ni tawhin hei hi hri kai hmuh atangin zaa 97.03 a ni a, hri kai enkawllai 5718 la awmin hri kai zingah mi 658 an boral tawh bawk a ni.