Hri kai thar 132 leh enkawl dam 251 awm belh

Nimin khan Serchhip District-ah COVID-19 hri kai mi 132 chhinchhiah belh niin hri kai enkawl dam mi 251 zet an awm belh bawk.

Nimin a Serchhip District-a hri kai hmuh belh zinga 45 te hi Serchhip khawpui chhunga hri kai hmuh-chhuah niin P&E Veng-ah mi 10, New Serchhip Venglai-ah mi 8, Vengchung-ah 4, Bukpui, Chanmari Veng, Bazar Veng, Field Road leh New Serchhip Bazar Veng-ah mi 3 theuh, IOC Veng leh Leisang Veng-ah mi 2 ve ve leh Chhim Veng, Dinthar Veng, Hmar Veng leh Ramthlun Veng-ah mi pakhat theuh an ni.

Heng bakah hian Thenzawl-ah hri kai mi 27 hmuh ni bawkin North Vanlaiphai-ah 22, Chhiahtlang-ah 14, Hmunzawl-ah mi 10, Khaw-lailung-ah mi 8, Piler-ah mi 4 leh Chhingchhip-ah hri kai mi 2 hmuh belh an ni bawk.

Nimin khan Serchhip District-ah hri kai enkawl dam mi 251 an awm belh leh bawk a, heti hian nimin thlenga Serchhip District-a hri kai hmuhchhuah tawh chu 12,399 niin an zinga 11,789 te chu enkawl dam an ni tawh a, hri kai hmuh tawh atanga za zela 95.08 te chu enkawl dam an ni tawh a, hri kai enkawllai 581 la awmin hri kai zingah mi 29 an boral tawh bawk a ni.