Hri kai 122 hmuh belh leh

Zonuna Kawlni (LENKAWL) • March 3, 2022 • Comments • Serchhip

Nimin khan Serchhip District-ah COVID-19 hri kai mi 122 zet hmuhchhuah leh an ni.

Nimin a hri kai hmuhchhuah zinga 25 te chu Serchhip-a hri kai hmuh te niin Serchhip khawchhung bik ah hri kai hmuhchhuah zat an la tlahniam thei meuh lo a, P&E Veng-ah 6, New Serchhip Venglai-ah 4, New Serchhip North leh Bazar Veng-ah 3 ve ve, Dinthar Veng, Vengchung leh Zozam Veng-ah pahnih theuh leh AOC Veng, Darnam Veng leh Tuikhuah Veng-ah hri kai mi pakhat theuh hmuh an ni.

Heng bakah hian Chhingchhip-ah hri kai mi 51 zet hmuh niin Thenzawl-ah 17, North Vanlaiphai-ah 11, Hmunzawl-ah 6, Chhiahtlang leh Khawlailung-ah 3 ve ve hmuh an ni bawk a, Piler leh Thentlang-ah mi 2 ve ve hmuh belh leh an nih bakah Zote South leh Mualcheng-ah hri kai mi pakhat ve ve hmuh an ni bawk.

Nimin khan Serchhip District-ah hri kai mi 90 enkawl dam an ni ve leh bawk a, heti hian nimin thlenga Serchhip District-a hri kai hmuh tawh chu 12,075 a ni a, an zinga 11,177 te chu enkawl dam ni tawhin hri kai hmuhchhuah tawh atanga za zela 92.56 te chu enkawl dam an ni tawh a, hri kai enkawllai 869 an la awm bawk a, hri kai zingah mi 29 an boral tawh bawk a ni.