Aizawl Day atan Feb. 25 pawm

Aizawl Municipal Corporation Board of Councillors Meeting chuan ‘Aizawl Day’ atan Aizawl khawpui mei mit lova a din champhaphak February 25 chu an pawm.

Tun thla ni 10 leh 11-a AMC Board of Councillors Meeting hian ‘Aizawl Day’ atan Aizawl khawpui mei mit lova a din champhaphak February 25 hi pawmin he ni hi AMC-in kumtin ni pawimawh atana hmangin, ropui taka hman a nih theih nan ruahmanna a siam dawn a. Aizawl khawpui hi February 25, 1890 atanga Vawiin thleng hian mei mit lovin kum 132 chuang a lo ding tawh a ni.

AMC Board of Councillors Meeting hian Local Council thar pahnih Leitan Ramthar leh Zemabawk South din turin thutlukna an siam a, Hoarding & Advertisement rate chu ennawn niin an hmalakna hrang hrang an thlirlet bakah an hmalak zelna turte pawh an rel a ni.