Latest News

Hri kai mi 62 hmuh belh leh

Nimin khan Serchhip District-ah COVID-19 hri kai mi 62 zet hmuhchhuah belh leh an ni a, hri kai hmuhchhuah thar zinga a tam zawk te hi Serchhip khawpui chhung ami te niin Khaw-bel-ah mi 13 hmuh belh an ni a, Thenzawl-ah pawh hri kai pakhat hmuh a ni bawk.

Vegetable Supply Chain kalpui turin ngen

ZPM Thalaite chuan Vegetable Supply Chain mumal taka kalpuia thil man mumal taka bithliah ngam turin sawrkar an ngen.

Nimin-a thuchhuah an siamah ZPM Thalaite chuan Aizawl khawpuiah lockdown avângin thlai hnah leh a rah man a a sâng em em tih sawiin, mipui mimir-in hna an thawh theihloh laia heti tak maia chawhmeh man a to hian khawsak phunga mipui harsatna a belhchhah nasa hle niin an sawi a. Kut hnathawktute'n lockdown avângin an thlai thar man an tih to phah lo nia hriat a nih thu sawiin, hei vang hian a thartu leh a leitute inkârah thil fello engemaw a awm ngei nia a lan thu an sawi a ni. ZPM Thalaite chuan he harsatna hi sawrkârin ruahmanna felfai tak siamin kalpui se awlsam taka pumpelh theih nia an hriat thu pawh sawiin, hetiang harsatna hi hun lo la awm turah pawh a awm tawh lohna turin sawrkâr chu Vegetable Supply Chain mumal tak siam a, kalpui ngam tur leh, thil man mumal taka bithliah ngam turin an ngen a ni.

ZPM Thalaite chuan Sairâng Dinthar-a Cold Chain Development Project hmanga cheng nuai 250-a siam Horticulture Cold Storage pawh a hmanna tur dik taka hmang thuai turin sawrkar chu an ngen bawk.

Comments

Chhiar Hlawhte