Mizoram-ah hri kai 7000 aiin an tam tawh

Niminpiah khan Mizoram-ah Sample 3230 enfiah niin heng atang hian COVID-19 hri kai 184 hmuhchhuah leh an ni a, Mizoram-a hri kai hmuhchhuah chu mi sang sarih aiin an tam ta a ni.

Niminpiah khan ZMC Laboratory-ah Sample 1431 enfiah niin heng atang hian hri kai 78 hmuh an ni a, an zinga mi 72 te chu Aizawl District mi niin an vai hian hri kai nen inkawmhnaihna nei an ni a, Kolasib District atangin hri kai mi 6 hmuh niin CRPF mi leh sa, tunhnaia State pawn atanga rawn lut an ni bawk.

Niminpiah khan District hrang hranga TrueNat Laboratory-ah Sample 127 enfiah niin heng atang hian hri kai 12 hmuh an ni bawk a, Lunglei District-ah hri kai mi 7 hmuh niin an zinga mi 6 chu 2nd Batallion MAP mi leh sa, tunhnaia State pawn inthlanna a Duty niin pakhat hi Tlabung lam mi, hri kai nen inkawmhnaihna nei a ni a, Serchhip District-ah hri kai hmuhchhuah mi 5 awmin tunhnaia State pawna atanga rawn lut an ni bawk.

Niminpiah khan Mizoram-ah Rapid Antigen Test hmangin Sample 1672 enfiah niin hri kai 94 hmuh an ni bawk a, an zinga mi 74 te chu Aizawl District-a hri kai hmuhchhuah niin Lengpui Airport Screening Point atangin Mizoram-a rawn lut tur zingah hri kai mi 12 hmuh an ni a, Aizawl District chhung hmun hrang hrangah hri kai 62 hmuh niin a tam zawk te hi hri kai nen inkawmhnaihna nei an ni.

Niminpiah khan Lawngtlai District-ah hri kai 11 hmuhchhuah niin Lunglei leh Kolasib District-ah hri kai mi pathum ve ve hmuhchhuah an ni bawk a, Mamit District-ah hri kai mi 2 hmuhchhuah niin Saitual District-ah hri kai mi pakhat hmuhchhuah a ni bawk.

Heti hian nimin thleng khan Mizoram-a hri kai hmuhchhuah chu 7147 an tling ta a, nimin khan mi 108 te chu hri lakah fihlimin anmahni enkawlna hmun atanga chhuahtir leh niin Mizoram-ah hri kai 5459 te chu enkawl dam an ni tawh a, hei hi hri kai hmuhchhuah atangin zaa 76.38 niin tunah hian hri kai enkawllai 1671 an la awm bawk a. Aizawl District chu hri kai enkawllai tamna ber niin mi 1202 enkawl mek an ni a, Hnahthial District-ah hri kai enkawllai an awmlo thung a ni.

Hri kai enkawl zingah Cancer vanga nunna chan awm :

Mizoram-a COVID-19 hri kai zingah nimin khan nunna chan awm lehin amaherawh chu chhuichian a nih hnuah Cancer vanga thi ah ngaih a ni ta thung. ZMC-a COVID-19 hri kai enkawllai Lalmuanpuii 947), Ramhlun Venglai chu nimin zing dar 8:04 khan a boral a, tun thla ni 3-a COVID-19 hri kai hmuhchhuah niin amaherawh chu ZMC leh IDSP, H&FW ten uluk taka an zirchian hnuah a thihchhan chu COVID-19 nilovin Thin Cancer kaihhnawih vang niin thutlukna an siam a ni.