Mi 16,219 in vaccine la tawh

Serchhip District-ah mi 16,219 te chu CO-VID-19 Vaccine Dose 1-na pek ni tawhin an zinga 4269 te chu Dose 2-na pek an ni tawh bawk.

Kumin January thla atanga Serchhip District-a COVID-19 Vaccine pek hna kalpui tan hi chhun-zawm zel ala ni a, tun thlengin Serchhip District-ah hian mi 16,219 te chu vaccine Dose 1-na pek ni tawhin an zinga mi 4269 te chuan Dose 2-na an la tawh bawk a, hri danna la tawh zinga za zela 26.32 te chuan hri danna an lak tur an la zo tawh a ni.

Chhinchhiahna atanga a lan danin Ser-chhip District-ah hian Healthcare Workers mi 738 te chuan Vaccine Dose 1-na la tawhin an zinga 711 te chuan Dose 2-na an la tawh a. Hri leng dona kawnga a hmatawng-a thawk, Frontline Workers mi 2912 te chuan Dose 1-na la tawhin an zinga 1743 te chuan Dose 2-na an la tawh bawk a. Kum 45-59 zingah mi 6929 te chuan Dose 1-na la tawhin an zinga 467 te chuan Dose 2-na an la tawh bawk a, kum 60 chunglam mi 5144 ten Dose 1-na la tawhin an zinga 1348 te chuan Dose 2-na an la tawh bawk a. Hei bakah hian kum 18 atanga 45 inkar mi 496 te chuan Dose 1-na la tawh bawkin an zingah hian Dose 2-na la an la awmlo thung a ni. Mizoram pumah mi 2,50,244 te chu Vaccine Dose 1-na pek an ni tawh bawk a, an zinga 52040 te chuan Dose 2-na an la tawh bawk a ni.