Latest News

Hri kai thar, dam leh thi awm

Serchhip District-ah nimin khan COVID-19 hri kai mi 11 hmuhchhuah niin mi 4 te enkawl dam an ni a, Serchhip-a hri kai hmuh zingah nunna chan pakhat a awm bawk.

Nimin-a Serchhip a hri kai hmuhchhuah te hi Keitum-ah mi 5, Then-zawl-ah mi 4 leh Chhingchhip-ah pakhat bakah TrueNat Laboratory atangin hri kai pakhat hmuh a ni bawk. Nimin khan Serchhip District-ah hri kai mi 4 enkawl dam an ni a, an zinga mi 2 chu Serchhip Nursing School CCC-a enkawl niin midang pakhat hi 4C KVK Farmer North Vanlaiphai ami a nih bakah pakhat hi In lama hri kai inenkawl a ni.

Serchhip District-a hri kai hmuhchhuah, Laltlanzova (35), Zotlang chu nizan dar 7:25 khan ZMC-ah COVID-19 Pneumonia vangin a boral bawk a, Laltlanzova hi West Bengal inthlana Duty kha niin May 1 khan hri a kai tih hmuh a ni a, Serchhip-a enkawl a nih hnuah May 7-ah ZMC-ah enkawl tura lak niin nizan khan a boral zui ta a ni.

Heti hian nizan thleng khan Serchhip District-a COVID-19 hri kai hmuhchhuah chu 555 an ni tawh a, an zinga 450 te chu enkawl dam ni tawhin tunah hian hri kai enkawllai 103 an la awm mek a, hri kai hmuhchhuah zingah nunna chan mi pahnih an awm ta a, nikum Nov. 23 khan nunna chan an lo awm tawh bawk a ni.

Comments

Chhiar Hlawhte