Hri kai thar 2; dam 18

Pathianni-a Serchhip District-ah sample en-fiah 40 atangin COVID-19 hri kai mi 2 hmuh belh leh niin hri kai mi 18 enkawl dam an ni thung.

Pathianni khan Serchhip-a TrueNat Laboratory-ah Sample 28 enfiah niin heng atang hian COVID-19 hri kai pakhat hmuh a ni a, mipa kum 60 mi niin Kram Infracon Pvt. Ltd hnuaia thawk, tunhnaia State pawn atanga rawn lut a ni a, inkhunghranna hmuna awmlai a ni. Pathianni vek khan Rapid Antigen Test hmangin Sample 12 enfiah ni bawkin heng atang hian hri kai pakhat hmuh a ni bawk a, hri kai hmuhchhuah hi hmeichhia kum 17 mi niin Chhingchhip khua a ni a, hri kai hmuh tawh nen inkawmhnaihna nei an ni bawk.

Nimin khan Horticulture College CCC, Thenzawl-a hri kai enkawl mi 14, Integrated Ayush Hospital, Thenzawl-a mi 3 leh Home Isolation-a enkawl mi pakhat chu chu enkawl dam an ni ve leh bawk a, heti hian nimin thleng khan Serchhip District-a hri kai hmuhchhuah chu 432 ni tawhin an zinga 286 chu enkawl dam an ni tawh a, tunah hian hri kai enkawllai mi 145 an la awm mek a ni. Serchhip District-a hri kai hmuh-chhuah enkawl mek te hi Nursing School CCC-ah mi 40, Integrated Ayush Hospital, Thenzawl-ah mi 6, Horticulture College, Thenzawl-ah mi 17, PTS Digital Class Room-ah mi 76 leh ZMC-ah mi 6 te an ni a, In lama hri kai enkawllai an awm tawhlo a ni.

Nimin khan Serchhip District-ah Rapid Antigen Test hmangin Sample 80 enfiah leh a ni a, TrueNat Laboratory-a enfiah turin Sample 33 lak a ni bawk.