Latest News

Chhawmdawl nan CMRF hmanchhuah remti

Committee on Utilization of Chief Minister’s Relief Fund for COVID-19 chuan Mizoram District hrang hranga Lockdown puan chhunga harsatna tawk, chhuanchhamte tanpui nan Rs. 91,50,000/- semchhuah an remti.

Chief Minister’s Relief Fund for COVID-19 hman dan tur ngaihtuahtu atana din Committee on Utilization of Chief Minister’s Relief Fund for COVID-19 hi nimin khan an Chairman, Mizoram Chief Secretary, Lalnunmawia Chuaungo hovin Chief Secretary’s Conference Hall-ah an thukhawm a, Mizoram pum-a Lockdown puan chhunga harsatna tawk, chhuanchhamte tanpui nan Rs. 91,50,000/- semchhuah remti in Aizawl District huamchhungah chhungkaw 3074 zet chhuanchham report thehluh a awm tawh a. Heng mite tanpuina tur hian Aizawl DC kutah Rs. 61,50,000/- dah ni se tiin Lunglei leh Kolasib District-ah Rs. 5,00,000/-  ve ve dah a ni ang a, District dang zawngah Rs. 2,50,000 theuh dah a ni thung ang. CM Relief Fund tlingkhawm atanga chhawmdawlna leh mamawh danga sum semchhuah chhunzawm zel dan tur chu a tul dan ang leh District tina Deputy Commissioner te rawtna hmuh dan a zirin ngaihtuah a ni ang.

Pathianni thleng khan CM Relief Fund-ah hian sum Rs. 22,98,84,954/- a lut tawh a. Heta tang hian Rs. 21,33,60,970/- hman chhuah a ni tawh a, tun dinhmuna sum neih zat chu Rs.1,65,23,984/- a ni.

Comments

Chhiar Hlawhte