ZPM Thalai in ngaihdam dil turin CM an phut

By -

ZPM Party Thalaite chuan Chief Minister, Zoramthanga chu a thusawi avangin thuthar thehdarhtute hnena ngaihdam dîl tùra an phut thu an sawi.

    Nimin-a thuchhuah an siamah ZPM Thalaite chuan Chan-chinthar rintlàk leh bengvarthlàk tak tak mipuite hnena hlui thintu, Local Newspaper lar tak pakhat leh Cable TV-te chu ZPM Party-in a thunun theih ang hiala Chief Minister, Zoramthanga'n a sawi chu Press mite zahlohna leh an hna hmuhsitna lian tak nia an hriat thu an tarlang a, rorellai party hruaitu berin eptu party a beih fo chu a sim theilo anih pawhin, Press mite lehzel chu beilo tur leh a thusawi avâng hian thuthar thehdarhtute hnena ngaihdam dîl tùra an phut thu an tarlang a. Press mite zahawmna humhimtu tur Chief Minister hmui atanga hmuhsitna rawngkai a chhuak ta chu vanduaithlak an tih thu leh tun hnuah thleng tawhlo se tih chu an duhdan a nih thu an tarlang bawk.

Comments

Post a Comment

Popular posts from this blog

Tualthattu nia rinhlelh man

By -
Image
Nimin zinga Serchhip Bukpui leh Chhiahtlang Chhim Veng inkara Lalsangzuala (31), Mission Vengthlang thihna kaihhnawih a mawhphurtu nia rinhlelh Laldinthara (42), Khawruhlian nia inchhal chu Vawiin khan Police ten Aizawl-ah an man a. Thudawn danin Laldinthara hian nimin zing khan Aizawl pan tur Maxi Cab chu Chhiahtlang leh Lamchhip inkar ramhnuai ah lo pharin Aizawl a pan a, a khawsak zia ah rinhlelh a nih avangin Serchhip Police Special Investigation Team te chuan Serchhip Police Station OC Inspr. VL. Ramhluna hovin man tumin Vawiin khan Aizawl an pan ve nghal a, Aizawl Police te nen tangtlangin an man ta nia thudawn a ni a, Police te hmaah a inpuang tawh nia thudawn a ni bawk. Amah hi tunhnaiah pawh Serchhip-ah thubuai tenau a man nia thudawn niin amaherawh chu thubuai siam zui lovin chhuah leh a ni nia thudawn a ni bawk.
Kimchang zawkin »