Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Sum eiru-a puhna ah Chief Minister in thiam a chang

Kum 1998-2008 inkara MNF sawrkar laia Mizoram Intodelhna Program (MIP) kalpui dana sum eiru-a puh,  khatih hunlâia Chief Minister Zoramthanga, Agriculture Minister H. Rammawi, Adviser to Chief Minister Lalhuapzauva leh Mizoram Venus Bamboo Products Pvt. Ltd. neitu KK. Shah te chu Prevention of Corruption Act (PC Act) Special Court chuan nimin khân puh an nihnaah thiam a chantir.

Zoramthanga leh mi dangte lakah hian kum 2009 December thla khan PRISM chuan ACB-ah FIR an thehlut a, an sawi dan chuan MIP sum pekchhuah leh hman danah thil dik lo leh eirukna a awm ni-a an hriat thu an sawi a ni.

He thubuai hi hun engemaw chen ngaihtuah a nih hnuah nimin khan Prevention of Corruption Act (PC Act) Special Court chuan thu-tlukna puangin, Court thutlukna atanga a lan danin Vigilance Department chuan ACB hnenah he thubuai chhui phalna hi a pe a. Hemi ang hian ACB chuan thubuai hi chhuiin, kum 2013 khan Court-ah thubuai chhuina Chargesheet a thehlut a. Court-in thubuai a ngaihtuah chhung hian thuhretu 20 zinga 13 thu zawhfiah an ni a. Thil tisual-a puhte pawh thu zawhfiah niin, an thusawi te uluk taka chhinchhiah vek a ni.

Court chuan, ACB-in thubuai a chhuinaah hian MIP sum pekchhuah danah thil felhlel a awm ngei tih finfiah a ni, a ti a. MIP inkaihhruainaah sum chu Apex Committee thutlukna chauha pek chhuah tur a nih laiin, mimal thutlukna anga pekchhuah a awm a. Hei mai hi ni lovin sum hi loan-a pekchhuah tur ni lovin, tanpuina ang chauh-a pek tur a nih laiin, loan-a pekchhuah a nih avangin kalphung pel hret-in sawrkar chu a kal a. Mahse, thubuai chhuitu ACB-in eirukna awm thei ni-a a sawi chungchang ah sum dawngtute account-ah sum hi a luh kim vek avangin an eirukna sawi fak tur a awm lo a. Loan-a sum pekchhuah chungchanga sawrkar lam insawifiahna angin MIP sum hi loan hmanga pek theih loh tih ni mah se, tanpuina Grant-in-Aid anga pek theih a ni thung a. He sum hi tanpuina ang chauha pekchhuah a nih chuan a dawngtuten hna an thawh that loh phah hlauhna avangin loan anga sum hi pekchhuah ni-a sawi a nih avangin thil tha tak ni pawhin a lang niin Court chuan sawi. He thubuaiah hian dan bawhchhiatna thenkhat awm mah se, sum eirukna lai tak hmuh a nih loh avangin thil tisual-a puhte chu hrem theih an ni lo niin Court chuan a sawi.

Nimin-a Court in thutlukna ah puan lai hian Chief Minister, Zo-ramthanga hi Court-ah a inlan a, Court tualah thuthar thehdarhtute zawhna chhangin Chief Minister chuan, politics hmanga a laka phuba lak duhtute'n diklo taka an puhnaah thiam a chang ta niin a sawi a, “Dik lo taka puhin kan awm a, chu chu roreltute'n dikna hmangin an rel a, thiam min chantir ta a. Chuvangin, honourably-in tunah chuan thiam kan chang ta,” a ti.

Comments

Popular News (Last 30 Days)