Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Serchhip Dinthar Veng-ah chhungkaw 4 chenna In pali bungrua chuh hmanloh in a kangral

Nizan hmasa dar 9:30 vel khan Serchhip Dinthar Veng-a chenna In 4, chhungkaw pali ten an luahlai chu a kangral vek a, bungrua engmah chuh hman ni lovin mihring thi leh hliam erawh an awmlo thung.

Nizan hmasa-a Serchhip Dinthar Veng-a chenna In kang te hi Assam Type In vek niin In neitu ten an luah loh leh midang in an luah te vek a ni a, In kang zinga pahnih te hi Pu John-a (Police-a tang thin), Serchhip Zion Veng ami ta niin pakhat hi Serchhip Dinthar Veng-a Lalngaihzuali In leh Pangzawl-a Pu Zara te In a ni. Thudawn danin kangmei hi Pu Zara, Pangzawl ami In luahtu, R. Vanramnghaka te In hnuai atanga intan a ni a, kangmei chhuak hmu hmasatu te chuan In hnuai a kan lai hian In chung lamah engmah kang ala awmloh thu an sawi a, he In luahtute hian an In ah hian tunhnaiah an awm loh thu leh a Pa in lamah an khawsak rih thu sawiin, an In hnuai hi luah theih tur chi-a siam a nih loh thu leh Electric Wiring pawh a awmloh thu sawiin, hei vang hian kangmei chhuah chhan tur awm pawh an hriat loh thu an sawi a, he In-ah hian mi 5 an khawsa mek a ni.

He In kang hian a bul-a Pu John-a In pahnih, Zorinpuii w/o Sonaton Marandy (chhungkaw member 7 te chenna In) leh Hunlawmawma (chhungkaw member 4) te chenna In bakah Lalngaih-zuali  te In, Vanlalhruaizela (East Lungdar khua, Serchhip-a inhlawhfa-a mahni-a khawsa) te chenna chu kangkai nghalin heng In luahtu zingah hian Vanlalhruaizela chiah hi kangmei chhuah lai hian In ah a awm nia thudawn a ni a, hei vang hian kangmei tuar te hian bungrua engmah an chuh hman lo a ni. Kangmei chhuak tih hriat a nih hnu hian Serchhip-a Fire & Emergency Services te koh nghal niin mi tlawmngai te pawhin kangmei thelh hna hi an thawk nghal a, Serchhip-a awm Assam Rifles ten Motor hmanga tui rawn chawi bawkin zan dar 12:00 rik hma deuhin kangmei hi thelh mih theih a ni.

Nimin zing khan Serchhip Dinthar Village Council leh YMA te bakah tlawmngai pawl hrang hrang te chuan thutkhawm nei nghalin heta an thurel ang hian nimin khan kangmei in a tihchhiat bungraw senghawi hna hi thawh nghal a ni a, kangmei tuar te tana In sak chungchang ah erawh In kang ta luahtute hi In neitute an nih loh avangin In sak hnatlang hi neih rihloh mai nise an ti thung a. Serchhip Dinthar Veng Village Council leh YMA te chuan kangmei tuar te tanpuina atan sum leh pai leh thilpek chi hrang hrang an dawn thu sawiin, heng thilpek petute chungah hian lawmthu an sawi tih an sawi bawk.

Comments

Popular News (Last 30 Days)