Officer te insiksawi mek

SDO (S) kalchhuak dawn

Tunhnaia Mizoram sawrkar in MCS Officer thenkhat a siksawi zinga tel Serchhip DC Office-a SDO (Sadar), C. Lalduhzuali chuan Vawiin hian Serchhip a chhuahsan dawn a, Ser-chhip DC Office-a thawktute chuan niminpiah khan thlahna hun an hmang tawh a ni. Hetihlai hian he hna chelhtu tur C. Laltleipuii’n a hna a rawn zawm hun tur erawh chiang taka hriat theih ala ni lo thung.

DAO thar in hna rawn zawm

Serchhip District Agriculture Officer (DAO) thar tura ruat, Tlangtimawia Zote chuan nimin khan a hna thar a rawn zawm ta a, Serchhip DAO hna chelhtu, C. Lalnithanga a thlak a. Serchhip DAO kalchhuak C. Lalnithanga hi Deputy Director in Aizawl-ah a awm zui dawn a, SAMETI Director hna a chelh tel nghal dawn bawk a ni.

P&E SDO sawn a ni

Serchhip Power Sub-Division-a Sr. SDO, Er. Otto K. Lalchhuanawma chu Lunglei Power Circle-ah EE (Planning) hna chelh tura sawn a ni a, a aiawh tur hi sawrkar in a dah hriat a ni rihlo thung.