MPF in April 5-ah Common Platform buatsaih dawn

Mizoram People Forum (MPF) chuan nimin khan thutkhawm neiin Serchhip bial-a Assembly bye-election neih tur chungchang an thlirho a, April 5-ah Common Platform buatsaih nise an ti.

MPF Serchhip District hian nimin khan Serchhip Kawnpui Kohhran Committee Room No. 2-ah thutkhawm neiin Serchhip Bial-a Assembly bye-election lo awm tur chungchang hi an thlirho a, an thurel langsar zual zingah he inthlanpui neih tur chungchangah hian tun thla ni 23 khian Serchhip-ah Press Conference neih nise an ti a, hemi ni vek chawhnu lamah Serchhip khawpui chhunga Political Party hrang hrang Unit OB te leh MPF Local Forum OB ten MPF leh Political Party te thawhhona thuthlung chu Serchhip Kawnpui Kohhran Diamond Jubilee Hall-ah zirho nise an ti bawk a, heng hun te hi MPF General Hqrs. lama hruaitute pawhin an rawn hmanpui beisei a ni.

Hei bakah hian Serchhip bial-a bye-election neih tura Candidate te tan April 5, 2021 chawhnu dar 1:00-ah Serchhip Bazar-ah Common Platform buatsaih nise an ti bawk a, he hunah hian Candidate tin te hi minute 30 theuh thu sawina hun pek an ni dawn a ni.