Latest News

Mizoram-ah hri kai pakhat hmuh belh leh a ni

Niminpiah khan Mizoram-ah Sample 1015 enfiah leh niin heng atang hian COVID-19 hri kai mi pakhat hmuh a ni a, State pawn atanga rawn lut zinga hri kai hmu hmuhchhuah a ni.

Niminpiah a Mizoram-a hri kai hmuhchhuah hi Rapid Antigen Test hmanga Sample enfiah 969 te atanga hmuhchhuah niin Aizawl Mission Vengthlang mi niin Delhi atanga rawn haw, Lengpui Airport Screening Point atanga hri kai hmuhchhuah a ni. Niminpiah khan ZMC Laboratory-ah Sample 40 enfiah niin District hrang hranga TrueNat Laboratory-ah Sample 6 enfiah a ni bawk a, heng atang hian hri kai hmuhchhuah erawh an awmlo thung a ni.

Nimin khan Mizoram-a COVID-19 hri kai enkawl mi 4 te chu hri lakah fihlimin anmahni enkawlna hmun atanga chhuahtir an ni ve leh a, heti hian nimin tlai dar 5:00 thleng khan Mizoram-a COVID-19 hri kai hmuhchhuah chu 4428 niin heng zinga 4404 te chu enkawl dam an ni tawh a, hri kai hmuhchhuah atanga za zela 99.45 te chu enkawl dam ni tawhin tunah hian hri kai enkawllai 14 an la awm a, hri kai te zingah nunna chan mi 10 an awm tawh bawk a ni.

Comments

Chhiar Hlawhte