Latest News

Mizoram-ah hri kai mi 3 hmuh belh leh an ni

Niminpiah-a Mizoram-a Sample enfiah 1010 te atangin CO-VID-19 hri kai mi pathum hmuh an ni a, heng mite hi tunhnaia State pawn atanga rawn haw te an ni hlawm.

Niminpiah-a Mizoram-a hri kai hmuhchhuah te hi Rapid Antigen Test hmanga Sample enfiah 971 te atanga hmuh an ni a, Aizawl District-ah mi 2 leh Saitual District-ah hri kai pakhat hmuh an ni. Aizawl District-a hri kai hmuhchhuah tunhnaia State pawn atanga rawn haw niin pakhat hi RT-PCR test Negative Certificate nei niin pakhat hi Rapid Antigen Test-a Negative a ni bawk a, amaherawh chu natna hri kai lanchhuahna an neih avanga an Sample enfiah ah hri an kai tih hmuh a ni leh ta a ni.

Niminpiah-a hri kai hmuhchhuah pakhat hi Saitual District-a hri kai hmuh niin Hnahlan mi, Manipur atanga rawn haw, Tuivai Screeinng point-a hri kai tih hmuhchhuah a ni thung. Niminpiah khan ZMC Laboratory-ah Sample 28 enfiah niin District hrang hranga TrueNat Laboratory-ah Sample 11 enfiah a ni bawk a, hri kai hmuh erawh an awmlo thung.

Nimin khan Mizoram-a hri kai enkawl mi pakhat chu hri lakah fihlimin anmahni enkawlna hmun atanga chhuahtir a ni a, heti hian nimin tlai dar 5:00 thleng khan Mizoram-a hri kai hmuhchhuah chu 4426 niin an zinga 4397 te chu enkawl dam an ni tawh a, hri kai hmuhchhuah atanga za zela 99.34 te chu enkawl dam ni tawhin tunah hian hri kai enkawllai 19 an la awm a, hri kai zingah nunna chan mi 10 an awm tawh bawk a ni.

Comments

Chhiar Hlawhte