Mizoram-ah hri kai mi 2 hmuh belh leh an ni

Niminpiah khan Mizoram-ah Sample 535 enfiah niin heng atang hian COVID-19 hri kai mi pahnih hmuhchhuah an ni.

Niminpiah a hri kai hmuhchhuah te hi Rapid Antigen Test hmanga Sample enfiah 521 te atanga hmuhchhuah niin Aizawl Zonuam mi, nupa an ni a, taksa-a hri kai lanchhuahna an neih avanga damdawi In pan, Sample enfiah an nih hnua hri kai tih hmuhchhuah an ni. Niminpiah khan ZMC Laboratory-ah Sample 12 enfiah niin District hrang hranga TrueNat Laboratory-ah Sample 2 enfiah a ni bawk a, hi kai hmuh erawh an awmlo thung.

Nimin khan Mizoram-ah hri kai enkawl dam an awm belh lova, heti hian nimin tlai dar 5:00 thlenga Mizoram-a hri kai hmuhchhuah chu 4439 niin heng zinga 4417 te chu enkawl dam an ni tawh a, hri kai hmuhchhuah atanga za zela 99.50 te enkawl dam ni tawhin tunah hian hri kai enkawllai 12 an la awm mek a ni. Tunah hian Aizawl District-ah hri kai enkawllai mi 9 awmin Siaha, Champhai leh Saitual District-ah mi pakhat theuh an la awm a ni.