Latest News

K. Oil phurtu Tanker driver in ngaihdam a dil

Tunhnaia Serchhip-a dah tur Khawnvartui hralhtu Tanker driver, Lalchhanhima chuan a thil tih ah ngaihdam dilin March 20, 2021 hmain K. Oil kimlo zawng zawng dah kim turin a intiam.

Thudawn danin hemi chungchanga thupha chawina a siam ah Lalchhanhima, (Mz-01M/5334 driver) hian Feb. 16, 2021-a Serchhip-a K. Oil dah tur a phurh tlin lohna Barel 10 (litre 2258.80) Serchhip DCSO phalna-a a hralh leh a hralhna pawisa pawh DCSO hi Aizawl-ah a pek thu a sawi Serchhip District Consumers’ Association leh Legal Metrology Inspector te hriat laia a sawi chu dawt a ni tih a puang a, a dawt sawi avanga Serchhip DCSO a tih hmingchhiat avang leh dawt a sawi avang hian SDCA leh Legal Metrology Inspector te chungah hian thupha chawiin ngaihdam a dil tih a tarlang bawk a ni.

Tanker Driver hian K. Oil kimlo zawng zawng hi March 20, 2021 aia tlai lovah rawn dah kim leh ngei turin a intiam tih pawh sawiin, hei vang hian Serchhip Police Station-a Serchhip DCSO in FIR a thehluh pawh hnuhkir sak turin a ngen tih a tarlang bawk a ni.

Hemi chungchangah hian nimin khan kan Palai chuan Serchhip DCSO hi biain he thupha chawina lehkha hi Serchhip District Consumers Association te hnenah a thehlut ve leh dawn tih a sawi a, hemi a zir hian FIR lo thehluh tawh hnuhkir leh hnuhkir loh chungchang ah hmalak zui a nih tur thu DCSO chuan a sawi bawk.

Comments

Chhiar Hlawhte