Latest News

Health Minister in Screening Point te a tlawh

Health Minister Dr. R. Lalthangliana chuan Inrinni khan Bairabi leh Vairengte-a COVID-19 Screening Point te a tlawh.

Heng Screening Point a tlawhna ah hian Health Minister chuan Mizoram luhka a Screening Point hrang hrangte an ngaih pawimawh thu sawiin, a thawktute indaihlohna leh Screening Point tihchangtlun dan an ngaihtuah mek thu a sawi a, an harsatna leh mamawh an thlen te pawh a rang thei ang bera ngaihtuah a nih tur thu a sawi bawk. Bairabi Screening Point-ah hian volunteers 10 duty tura inpe in mi 9 an duty mek a, Vairengte Screening Point-ah hian chhun zan zawmin duty indah a ni a. Volunteers 3 telin mi 18 duty an awm mek a, Shift hnih a inthenin nitin darkar 12 ve ve an in duty chhawk a ni.

Minister hian Zophai Border Outpost-a duty Mizoram Police te pawh tlawhin Mizoram leh Assam ramri buai vanga Mizoram lama duty tura Sawrkar Laipuiin a ruat Border Security Force te duty-na hmun, Vairengte checkgate thlang ami chu a tlawh nghal bawk a ni.

Comments

Chhiar Hlawhte