Vantlang Zun In hawng

Serchhip Sazuar Association ten Serchhip Bazar Sa zawrhna bula Zun In leh Dawr te luah theih tura an siam chu nimin zing khan Serchhip District Sports Committee Chairman, K. Tlangthanmawia chuan a hawng.

Serchhip Bazar Building sir, Sa zawrhna bula Serchhip Sazuar Association ten Vantlang Zun In leh Dawr te an siam hawngtu K. Tlangthanmawia chuan hetianga mipui ten an tlawhpawh tam Serchhip Bazar hmun-ah Vantlang Zun In tha tak siam a ni chu lawmawm a tih thu sawiin, faina kawnga Serchhip khua in faina lama hma a sawnna pawimawh tak leh hmasawnna rahbi pawimawh tak a nih thu a sawi a. Hetianga Vantlang Zun In siam chu thianghlim tak leh tha taka enkawl a nih theihna tura a enkawltute luah tur Dawr siam nghal a ni pawh tha a tih thu sawiin, Faina leh thianghlimna kawnga Sazuar Association te hmalakna chu lawmawm a tih thu a sawi bawk.

Serchhip Sa zawrhna hmuna Vantlang Zun In hawnna hun hi Serchhip Sazuar Association President, Malsawmthanga chuan kaihruaiin hun rei tawh tak atang khan Zun In siam theih dan hi an lo zawn tawh thu leh tuna a hlawh-tlinna an hmu ta chu lawmawm a tih thu a sawi a, Serchhip mipui mai bakah khualkhua atanga rawn kal te pawhin tangkai taka an hman an beisei thu a sawi bawk.

Comments

Chhiar Hlawhte