Naktuk ah mipui ten Vote thlak chhunzawm dawn

/

Aizawl Municipal Corporation (AMC) huamchhunga Local Council 17 leh Aizawl District-a Village Council panga-ah te naktuk, Sept. 5, 2020 khian inthlanna neih a ni dawn.

Hemi chungchanga nimin-a Mizoram State Election Commission in thuchhuah a siam danin Aizawl Municipal huamchhunga Local Council 24 leh Aizawl District-a Village Council 8-ah te hri leng avanga inthlanna neih theih a nih loh hnuah heng zinga Local Council 17 leh Village Council 5-ah te hian September 4, 2020 khian inthlanna neih a nih tur thu hi a tarlang a ni.

Heng inthlanna neihna tura ruahman te hi Durtlang North, Durtlang, Bawngkawn, Ram-hlun North, Ramhlun Sports Complex, Ramhlun Vengthar, Lawipu, Maubawk, Bungkawn, Bung-kawn, Khatla South, Khatla, Mission Vengthlang, Dawrpui Vengthar, Republic Vengthlang, ITI Veng leh Venghnuai Local Council bakah Darlawn Chhim Veng, Darlawn Venghlun, Darlawn Vengpui, Muallungthu leh Sawleng Village Council te an ni. Heng inthlanna neihna tur Local leh Village Council-ah hian Zirtawpni zing dar 7:00 atanga tlai dar 5:00 thlengin Vote thlak a ni anga, Vote tla te hi chhiar nghal tur a ni ang.

Heti hian August 27, 2020-a Village Council leh Local Council inthlanna neihna tura puan tawh zingah Chaltlang Lily, Ramhlun South, College Veng, Bawngkawn, Thuampui, Mission Veng leh Nursery Local Council bakah Melriat, Hualnghohmun leh Kelsih Village Council te an ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »