Latest News

MZI hruaitu thlanna nei

Mizo Zaimi Inzawmkhawm (MZI) Hqrs. Serchhip chuan nimin khan kum 2021-2022 chhunga an hruaitu tur thlanna MJA Serchhip District kaihhruaiin an nei a, President-ah Otto K. Lalchhuanawma (P&E Veng); Vice President-ah Lalramnghaka Kawlni (Tuikhuah Veng); Secretary-ah C. Zodinthara (Leisang Veng); Asst. Secretary-ah R. Lalrinfela (Bazar Veng); Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

Larsap in National Education Policy sawipui

Mizoram Governor P.S. Sreedharan Pillai chuan nimin chawhma lam khan Education lama mithiam rualte Raj Bhavan-a leng-ah sawmin National Education Policy 2020 chungchang a sawipui.

Governor hova Preliminary Meeting on the role of National Education Policy, 2020 neih ah hian Prof. K.R.S. Sambasiva Rao, Vice Chancellor, Mizoram University chuan National Education Policy, 2020 kalpui dan tur leh a thil tum te Powerpoint Presentation hmangin a sawifiah a. Mizoram in kan hman theih dan tur, siam rem ngai leh harsatna kan hmachhawn theih dan tur te sawifiahna hun Prof. Laltanpuia, Addl. Director, H&TE leh Prof. C. Lalremruata, J. Thankima College te hnen atangin ngaihthlak a ni a. State sawrkar anga hmalakna chungchangte pawh mithiam ten an sawi bawk.

Ruahman lawk ang chuan karleh Thawhtanni khian President, Ram Nath Kovind chuan Video Conference kaltlangin State leh UT Governor te chu National Education Policy 2020 chungchang a sawipui dawn a, he hunah hian Larsap pawh a tel dawn a ni.

Comments

Chhiar Hlawhte