Hri kai enkawl 21 la awm

Nimin thleng khan Serchhip District-ah CO-VID-19 hri kai enkawllai mi 21 an la awm a, inkhunghrang mi 151 an la awm mek bawk. Nimin thlenga Serchhip District-a COVID-19 hri kai enkawllai te hi SIRD DCHC-ah mi 4, Nursing School CCC-ah mi 10 leh Thenzawl AYUSH Hospital CCC-ah mi 7 te an ni a, dinhmun ngaih-tuahawm an awmlo nia thudawn a ni.

Hetihlai hian Serchhip District-ah hri leng avanga inkhunghrang mi 151 an la awm mek a, Marian H/S-a Community Qurantine Centre-ah mi 44 awm mekin sawrkar hmunhma a inkhunghrang mi 107 an awm a, Tourist Lodge Serchhip-ah mi 15, P&E Rest House-ah mi 2, Agriculture Rest House-ah mi 2, Eklavya Model Residential School-ah mi 57, Tourist Lodge Thenzawl-ah mi 7 leh Sainik School, Chhing-chhip-ah mi 24 te an ni. Sainik School-a inkhung-hrang te hi nimin-a dahluh te niin Tourist Lodge, Serchhip-ah mi 3 dahluh an ni bawk a, In lama inkhunghrang erawh an awm lo thung.