Hri kai 6 enkawl dam an ni

Zonuna Kawlni /

Serchhip District chhunga COVID-19 hri kai enkawllai mi 6 te chu enkawl dam an nih hnuah nimin khan Thenzawl AYUSH Hospital CCC atanga chhuahtir an ni.

Serchhip CMO Office atanga thu kan dawn danin District dang atanga Serchhip District-a hri kai enkawl tura rawn dah, Thenzawl AYUSH Hospital CCC-a awm mi 6 te chu enkawl dam an nih hnuah nimin khan anmahni enkawlna hmun atang hian chhuahtir an ni a, heng hri kai enkawl dam te hi Assam Regiment mi 4 leh Navy 2 te niin Lawipui atanga Serchhip District-a enkawl tura rawn dah an ni.

Heti hian nimin thleng khan Serchhip District-ah hri kai enkawllai mi 65 an la awm a, heng zinga a tam ber mi 61 te chu Nursing School CCC-a enkawl niin BSF Sipai hri kai an ni a, Chhiahtlang Tourist Lodge CCC-ah mi 3 enkawl niin heng mite hi Serchhip District-a hri kai hmuh-chhuah an ni thung a, Thenzawl AYUSH Hospital CCC-ah mi pakhat enkawl mek a ni bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »