Latest News

Chanchin thar thenkhat :

MLA ten tawngtai rualna nei

Nimin-a Mizoram Legislative Assembly thut-khawm neih tan a nih hmain MLA zawng zawng te chuan Assembly Conference Hall-ah Pathian hnena inhlanna hun hmangin tawngtai rualna an nei. Assembly Speaker, Lalrinliana Sailo chuan Ruling party-in tunhma pawhin Session tan hmain Pathian hnenah inhlanna hun an hman thin thu sawiin, heti taka hripuiin khawvel a tuam mek lai hian hripui lakah kan ram kan him zel theihna atan leh Pathian ropuina atan a ruala MLA zawng zawngin hmun khata tawngtai rual hun hman ni se tiin thutlukna siam a ni, a ti a. Tawngtai rualna hun hi Rev C. Lalremsanga, UPC (Mizoram) General Superintendent-in a kaihruai a, Pathian thuchah tawi a sawi hnuah tawngtai rualna hi hman chhunzawm a ni.


Sawrkar in sun dawn

Nizan hmasa a boralta India President hlui, Pranab Mukhejee chu Mizoram sawrkar chuan ni 7 chhung (Aug. 31 - Sept. 6, 2020) thleng a sun dawn a, hemi chhung hian sawrkar building-a Hnam puanzar chu a ngul chanve-ah zarin Sawrkar angin intihhlimna ang chi programme engmah buatsaih a ni lovang.


Buhfai dawngtu tam

Supply Minister, K. Lalrinliana chuan nimin a assembly inkhawm ah BJP member, Dr. BD. Chakma zawhna chhangin Prime Minister's Garib Kalyan Yojana (PM-GKY) hnuaiah Mizoram-a chhungkaw 1,55,558 in buhfai a thlawna an dawn thu a sawi a. Buhfai hi thla li (4) sem tawh a nih thu leh thla li dang, November thla thleng sem leh tum a nih thu a sawi bawk.


Under-Graduate Exam tan

COVID-19 avanga Under-Graduate Exam tur ruahman anga kalpui theihloh chu nimin atang khan exam tan leh a ni a, heng Exam hi hmun hrang hrangah neih niin online leh Offline hmangin Exam hi neih a ni a, tun thla ni 21-ah zawhfel tura ruahman a n

Comments

Popular News (Last 30 Days)