Chanchin thar thenkhat :

 Mizoram MLA in hri kai

Inrinni-a Mizoram-a COVID-19 hri kai mi 35 hmuhchhuah zingah Mizoram MLA, Dr. BD. Chakma chu telin ZMC-ah enkawl a ni ang. Thudawn danin tunhnai khan Assembly Secretariat a Dak Semtu pakhat chuan COVID-19 hri a kai tih hmuhchhuah a ni a, he hri kai hmuhchhuah hian August ni 31 leh September ni 1, 2, 3 leh ni 8 khan Assembly Speaker Lalrinliana Sailo leh Minister pahnih (2) bakah MLA 12 te chu lehkha a pe a, hei vang hian heng mite hi an Sample enfiah niin Dr. BD. Chakma hian hri a kai tih hmuhchhuah a ni ta a ni. Tuichawng bialtu MLA, Dr. BD. Chakma hian hri kai lanchhuahna a neilo nia tarlan a ni.

NEET Exam neih a ni

Medical Course zir tur thlanna Exam, National Eligibility cum Entrance Test (NEET) 2020 chu hri leng karah nimin khan Aizawl ah neih a ni a, kumdang ah chuan NEET Exam hi May thla Pathianni hmasa berah neih thin ni mah se kumin ah chuan hri leng vangin a hun takah neih theih a ni lo a, mi 1700 vel an Exam a ni.

MPCC in pawi tih thu sawi

Mizoram Pradesh Congress Committee (MP-CC) chuan Mizoram-ah mipuiin hripui, COVID-19 a darh loh nana sawrkar leh Local/Village Level Task Force-te thu kan awih viau laiin MNF sawrkar inrelbawlna fel lo lutuk avangin vei kan pung chak ta hle tih sawiin, MNF sawrkar lai kher khera he hripui a lo leng chu a pawi zual niin an sawi bawk.

Parliament thukhawm dawn

Parliament rorel Inkhawm chu Vawiin hian neih tan a ni dawn a, thla thar October 1 thleng a awh ang. Hripui len lai a nih avangin Parliament thutkhawm hi a tan ni tihloh ah chuan thuang hnih-a neih a ni dawn a, zing dar 9:00 atanga chawhnu dar 1:00 thleng Rajya Sabha thutkhawm neiin chawhnu dar 3:00 atanga zan dar 7:00 thleng Lok Sabha thutkhawm neih a ni ang.