ANB Scheme hnuaiah buhfai leh Chana sem a ni

Atma Nirbhar Bharat (ANB) Scheme hnuaiah COVID-19 hrileng avanga tangkhang, harsatna tawkte hnena Buhfai leh Chana sem tura Central Sawrkar chuan State tin te thu a pek angin Mizoram-ah pawh Supply Department kaltlangin a semchhuah hna thawh a ni.

Stranded Migrants/Workers leh National Food Security Act hnuaia Ration Card nei ve lo te leh State Sawrkar atanga Ration Buhfai dawng ve lo hnenah sawrkar laipui ruahman angin thla khat atan Buhfai a thlawnin mi pakhat tan kg. 5 zelin May leh June, 2020 atan sem tur a ni a. Mizoram-ah pawh he ANB Scheme hi kalpui niin Buhfai pawh Central Sawrkar atangin Metric Ton 668.25 hmuh a ni tawh a, mi 23,694 hnenah pekchhuah niin Buhfai dawn tawh zawng zawng atangin Metric Ton 250.01 (zaa 37.41) chu sem zawh tawh a ni.

ANB Scheme hnuai atang hian Chana Metric Ton 31 chu allocation hmuh a ni a, mihring 14,879 in an dawng thei a. A dawng tur mipuite hnenah Metric Ton 29.75 (zaa 95.96) chu sem zawh tawh a ni bawk. Heng Buhfai leh Chana dawngtu turte hi District hrang hrangah DCSO leh DC te kaihhruaina in thlan an ni a, DC leh DCSO te hian a tul dan ang zelin khaw tin leh Veng tinah Local Level Task Force te thawhpuiin, Buhfai leh Chana a thlawna pek turte hi an zawng chhuak thin a ni.

Comments

Chhiar Hlawhte