View Point sakna tur dawng

/
Serchhip Heritage Society ten Serchhip Kawlri Tlang-a Heritage Centre din an tumna a hmalakna kal zelah sawrkar atangin ‘View Point’ sakna tur sum dawn a ni.
Serchhip Heritage Society hian Serchhip Kawlri tlang, khaw hlui hmunah hian Heritage Centre din tumin hun engemaw chen kalta atang khan hma an lo la tawh a, helai hmun hi sawrkar mi pawimawh te pawh lo enpui tawhin hemi atana Project chu Mizoram University chuan siamin bul an lo tan tawh a, he hmalakna kal zelah hian View Point siamna tur Project siam belhin sawrkar-ah sum dil a ni a, hei hi sawrkar in pawm sakin tunhnai khan Art & Culture Department chuan hnathawhna tur sum hi a rawn ruahman sak ta a ni.
Kawlri tlang-a View point sakna atan hian Serchhip Heritage Society hian cheng nuai 8 an dawng a, he View Point siamna atana an sum hmuh bakah hian a theih anga sum te thawh belhin sak puitlin theih an inbeisei thu Serchhip Heritage Society hruaitute chuan an sawi a. Hetianga sum an hmuh theih nana hma lak saktu Art & Culture Minister, R. Lalzirliana leh Adviser to Chief Minister, C. Lalramzauva bakah sawrkar Official te chungah lawmthu an sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »