MISSTA in Ambulance 2 hlan

Zonuna Kawlni /
High School zirtirtu inzawmkhawm pawl, Mizoram Secondary School Teachers’ Association (MISSTA) member ten kumin May thla hlawh, Basic Pay atanga 5% an thawhkhawm hmanga Ambulance pahnih an lei chu nimin khan Health & Family Welfare Minister Dr. R. Lalthangliana kutah an hlan a, hemi rual hian Chief Minis-ter’s Relief Fund-ah Rs. 10,26,000/- chhunglut nghal bawk.
Ambulance hlanna inkhawm Mizoram Secretariat building No.1 kawt zawla buatsaih ah Health Minister Dr. R. Lalthangliana chuan MISSTA chungah lawmthu sawiin, COVID-19 in eng chen nge min chenchilh dawn hriat a ni lova, Zoram mipuite kan tan mar tlat a tul a, zirtirtute thiltih hi sawrkar hmalakna tichaktu leh tiphurtu a ni a, hei hian kawng hrang hrangin rah tha a chhuah ngei ngeiin ka ring tlat a ni, a ti.
Nimin-a MISSTA in Ambulance pahnih an hlan hi Lunglei Civil Hospital leh Lawngtlai Civil Hospital ami tur a ni a, Lunglei Civil Hospital Ambulance tur hi Lunglei South bialtu MLA, Dr. K. Pachhunga hnenah School Education Minister, Lalchhandama Ralte-in a hlan a, Lawngtlai Civil Hospital Ambulance tur hi School Education Director, James Lalrinchhana’n Lawngtlai East bialtu MLA, H. Biakzaua hnenah a hlan thung a ni.
Mizoram Secondary School Teachers’ Association (MISSTA) hnuaiah hian member 1003 awmin May thla hlawh 5% Basic Pay an thawhkhawm hi Rs. 38,24,581/- a ni a, Ambulance pahnih lei nan hian Rs. 11,98,652/- hmangin insurance leh Registration Fee an tifel nghal a, Mizoram Teachers’ Federation hnenah Ambulance leina tur cheng nuai 6 an thawh bawk a ni. Hei bakah hian CM Relief Fund ah Rs. 10,26,000/- an chhunglut a, Aizawl District tih loh District 10-a District Level Task Force te tanpuina atan cheng nuai khat theuh an pe bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »