Latest News

Hri kai zingah zaa 53.79 enkawl dam an ni tawh

India ramah COVID-19 hri kai hmuhchhuah atangin mi 2,04,710 enkawl dam ni tawhin hei hi hri kai hmuhchhuah atangin za zela 53.79 an tling tawh a ni.
Ministry of Health & Family Welfare chhinchhiahna atanga a lan danin nimin thleng khan India ramah COVID-19 hri kai hmuhchhuah mi 3,80,532 awm tawhin heng zinga 2,04,710 te chu enkawl dam ni tawhin enkawllai mi 1,63,248 an awm bawk a, hri kai enkawl mek aiin enkawl dam hi 41,462 in an tam tawh zawk a, hri kai hmuhchhuah atangin enkawl dam hi za zela 53.79 an tling tawh bawk. Hetihlai hian hri kai zingah nunna chan pawh nimin thleng khan mi 12,573 an tling ve tawh bawk a, hei hi hri kai hmuhchhuah atangin za zela 3.30 an tling bawk a ni.
ICMR chhinchhiah danin nimin thleng khan rampumah Sample 64,26,627 te chu enfiah a ni tawh a, tunah hian sawrkar Laboratory 703 leh Private Laboratory 257-ah te hri kai enfiahna awm tawhin heng zinga 541 chu RT-PCR enfiahna niin TrueNat enfiahna 345 leh CBNAAT Test-na 74 a ni.

Comments

Popular News (Last 30 Days)