Khunghran te tan thlai pe

Keitum Village Level Task Force (VLTF) hmalakna a an khaw mipui thawhkhawm thlai thar chi hrang hrang leh pawisafai chu nimin khan Serchhip District chhunga Quarantine Centre a awm mek te tan hlan a ni.

Keitum VLTF hmalakna a an khaw mipui thawhkhawm- Pelh bag 2 leh a chanve, Maian bag 2 leh a chanve, Antam bag 5, Phuihnam bag 2, Anthur tel 2, Dawlzik tel 2, Ankasa tel 2, Behlawi bag 1, Hmarcha Kg. 1, Artui plate 3, Buhfai Qtls. 2 leh a chanve, Theihai bag 4, Nimbu bag 1, Lakhuihthei bag 1, Aidu tel 2, Iskut Kg. 5, Tengtere pack 2, Bawkbawn Kg. 4, Alu Kg. 6, Dal Kg. 3, Bekangro pack 1 leh Pawi-safai Rs. 20,000/- te hi VLTF Chairman, Van-lalsailova leh Keitum Branch YMA President, Rorelliana te chuan Serchhip-an rawn hlanin Addl. DC, HD. Lalpekmawia leh SDO (Sadar), C. Lalduhzuali te chuan an lo dawngsawng a, he hunah hian Addl. DC chuan Keitum khaw mipuite thilphalna chu chhuanawm a tih thu leh midang tan malsawmna a nih a beisei thu a sawi bawk.

Nimin vek khan Serchhip Forest RO, Lalsangpuia Pachuau pawhin COVID-19 dona atana District Level Task Force on COVID-19 in a tul tula an hman turin Bawrhsap hnenah Rs. 3000/- a hlan a, Bawrhsap hian lawmthu hrilhin a inpekna chu a fak bawk.