Khunghran mekte tan pe

Mualcheng Farming Co-operative Society Ltd. bultuma an khaw mipuite thlai thar thawh-khawm chi hrang hrang chu nimin khan Serchhip District chhunga Quarantine Centre hrang hranga awm mekte tan DLTF kutah an hlan.

Mualcheng khaw mipui thawhkhawm thlai thar chi hrang hrang- Antam Kg. 192, Maian Kg. 12, Thip Purun tel 16, Hmarcha Kg. 11, Phuihnam Kg. 18, Chingit Kg. 25, Bahkhawr tel 12, Tumbu 28, Balhla thlar 2, Thingfanghma pum 28, Theite Kg. 21, Pudina tel 1, Chengkek pum 10, Sawhthing Kg. 25, Dhania tel 8, Dawlzik tel 2, Chakawk tel 1, Sapthei hnah tel 1 leh Pear Kg. 5 te hi Mualcheng Farming Co-operative Society Ltd. aiawhin Chairman, H. Lalsiama leh Secretary, Chengkhawsiama te chuan Serchhip-ah rawn hlanin Addl. DC, HD. Lalpekmawia leh SDO (Sadar), C. Lalduhzuali ten an lo dawng a, an thil rawn hlan zinga Chingit leh Tumbu te hi Society hruaituten hnatlanga an zawn niin, a bak zawng hi khawtlang mipuite thawhkhawm a ni.

Serchhip Addl. DC, HD. Lalpekmawia chuan heng thil an rawn pekah hian lawmthu sawiin, hun harsa tak kan tawh laia kan harsatna te inhriatpui tawna, midang tanpui duhna thinlung nei an awm reng chu lawmawm a tih thu a sawi bawk. Mualcheng khaw mipuite hian nimin vek khan Aizawl Bawngkawn Veng-a Quarantine Centre-a awm te hnenah hetiang bawk hi an pe a ni. Mualcheng Farming Co-operative Society Ltd. ah hian chhungkua 156 zet an intelkhawm a ni.