Khunghran hun tihtawp sak

Tunhnaia New Serchhip South VLTF ten an huamchhunga chhungkaw pahnih an In-a an khunghran te chu chhuah tir leh an ni tawh.

Tunhnaia Tamil Nadu atanga rawn haw te khunghran an nih laia eirawngbawltu pakhat, New Serchhip South VLTF huamchhung ami chu khunghran te bulah a lo khawsak avang leh hei hi khunghran zui ni mah se ni 7 hnuah chhuahtir a nih bakah a chhungte nen an lo awmho leh bawk si avangin New Serchhip South VLTF te hian Inrinni kalta khan an huamchhunga chhungkaw pahnih leh mi pakhat te chu ni 14 chhung atan an khunghrang a. Amaherawh chu heng khunghran te Sample hi enfiah a nih hnuah an Negative vek avang leh hlauhthawn zui tur a awmloh thu Doctor ten an sawi avangin niminpiah zing atang khan heng chhungkaw pahnih leh midang pakhat, ni 14 chhung atana khunghran tura lo tih tawh te chu an inkhung-hran hun tur tihtawp sak an ni ve leh ta a ni.