Latest News

MZI hruaitu thlanna nei

Mizo Zaimi Inzawmkhawm (MZI) Hqrs. Serchhip chuan nimin khan kum 2021-2022 chhunga an hruaitu tur thlanna MJA Serchhip District kaihhruaiin an nei a, President-ah Otto K. Lalchhuanawma (P&E Veng); Vice President-ah Lalramnghaka Kawlni (Tuikhuah Veng); Secretary-ah C. Zodinthara (Leisang Veng); Asst. Secretary-ah R. Lalrinfela (Bazar Veng); Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

Dawihzep thiltih niin sawi

ZPM Legislature Party Leader, Lalduhoma chuan Mizoram Chief Minister in Instagram-a Public Opinion a buatsaih chu mipui kuta rul kaw zen tumna, mawhphurhna la ngam lo dawihzep thiltih a nih thu a sawi.
Mipuite hnena Video kaltlanga nimin-a thuchah a tihchhuah ah Lalduh-oma chuan tunah hian Chief Minister Instagram hmangin mipui ngaihdan lak mek a ni tih sawiin, “Chief Minister Instagram hi amah leh a follower-te hman a ni a. Chung ho chuan CM duhdanin an vote dawn tih a chiang reng a. Link an pekte pawh an duh anga vote tur an ni deuh ber ang tih pawh a chiang a. Thingtlang lam ngaihdan phei chu a tel tamin a rinawm loh,” a ti.
Lalduhoma chuan he Opinion Poll-ah hian Total Lockdown duh zaa 92 an tling tawh tih pawh sawiin, “Sawrkar hi engkim hretu a ni a, mipuite tana tha ber tura an ngaih chu huai takin an kalpui tur a ni. Total lockdown hi han ti ta ila, hlo thlawh tul lai tak a ni si a, phunnawina a nasa viau thei. Chuvangin, he Opinion Poll hi mipuite kuta Rul kaw zen tumna, mawhphurhna la ngam lo dawihzep thiltih a ni,” tiin, ‘Rorel ngaihna ka hre ta lo’ tihna a ni, a ti bawk.

Comments

Chhiar Hlawhte